“Аймаг бүрт 1000 айл” орон сууц хөтөлбөрийн хүрээнд өнгөрсөн намар Дархан-Уул аймагт эхний ээлжийн 189 айлын орон сууцны барилгыг ТОСК захиалан бариулж эхэлсэн билээ. Энэхүү барилга нь нил суурьтай бүрэн цутгамал хийцтэй 9 давхар 63 айлын 3 блок бүхий нийт 189 айлын орон сууц юм.
Төрийн орон сууны корпорацийн тэргүүн дэд захирал Д.Алтанхуягаар ахлуулсан барилгын, дулаан, цахилгаан, цэвэр бохир, холбоо дохиолол, зураг төслийн инженерүүд, архитектор, борлуулалтын мэргэжилтэнээс бүрдсэн томилолтын баг барилга угсралтын ажлын явцтай газар дээр танилцаж, холбогдох заавар зөвлөмжийг өгсөн бөгөөд улсын комисст хүлээлгэн өгөх, орон сууцны захиалга, борлуулалтыг хэрхэн хийх талаар ярилцлаа.
Өнөөдрийн байдлаар барилга угралтын ажлын явц 80 хувийн гүйцэтгэлтэй байгаа бөгөөд ерөнхий гүйцэтгэгчээр “Бурхантын бүтээн байгуулалт” ХХК ажиллаж байна.
