“Аймаг бүрт 1000 айл” хөтөлбөрийн хүрээнд Сэлэнгэ аймгийн Мандал суманд баригдаж буй эхний ээлжийн 126 айлын орон сууцны барилга угсралтын ажлын явцтай ТОСК-ийнхан танилцжээ. Тус корпорацийн барилгын, дулаан, цахилгаан, зураг төслийн инженерүүд, архитектороос бүрдсэн томилолтын баг газар дээр ажиллаж, холбогдох заавар зөвлөмжийг өгсөн байна. Тус орон сууцны барилга угсралтын ажлын явц 40 хувийн гүйцэтгэлтэй явж байгаа бөгөөд ерөнхий гүйцэтгэгчээр “ГҮҮД КЭЙСТЛ” ХХК ажиллаж байна.