Өнөөдөр ТОСК-ийн тэргүүн дэд захирал Д.Алтанхуяг “Буянт-Ухаа 1” хорооллын оршин суугчдын гаргасан гомдлын дагуу гүйцэтгэгч компаниудын хийсэн засвар үйлчилгээний ажилтай газар дээр нь танилцлаа. Гомдол гаргасан оршин суугчид засвар үйлчилгээний ажил түргэн шуурхай хийгдэж орон сууц дулаахан болсныг хэлж байна. Орсон өрх айлын өрөөний дулааныг хэмжиж үзэхэд дулааны дундаж нь 22 хэмтэй байлаа.
Үүссэн шалтгааныг хөндлөнгийн техникийн мэргэжилтнүүд үзэж шалган цаг тухай бүрт нь асуудлыг шийдэж байгаа юм.
Нийт гомдол гаргасан иргэдийн асуудлыг 87 хувийн гүйцэтгэлтэйгээр шийджээ. Агааржуулалт муу байгаагаас үүссэн асуудлыг энэ долоо хоногтоо багтаан шийдвэрлэнэ хэмээн ҮББК-ийн инженер техникийн мэргэжилтнүүд хэллээ.