“Буянт-Ухаа 2” хороололд шинээр байр авах хүсэлтэй иргэдийн захиалгыг ирэх даваа гарагт буюу 9 дүгээр сарын 14-нд авч эхэлнэ. Иргэд захиалга өгөхдөө банкны 8 хувийн зээлд хамрагдаж чадах эсэхээ судалсан байхыг зөвлөж байна.
Захиалгын эхний ээлжинд “Буянт-Ухаа 1” хорооллын журмын нөхцөл хангасан ч сугалаанд шалгарч чадаагүй 4395 иргэнд давуу эрх олгож бүртгэсэн. Захиалга эхэлснээс хойш гурван хоногийн хугацаанд “Буянт-Ухаа 2” хороололд байр авах хүсэлтэй 700 орчим иргэн хандаж, үүнээс 420 гаруй иргэд байрны захиалгаа өгөөд байна.
Төрийн орон сууцны корпорацийн захиалгаар баригдаж буй 6500 айлын “Буянт-Ухаа 2” орон сууцны хорооллын захиалга өнгөрсөн 9 дүгээр сарын 7-нд эхэлсэн. Эхний ээлжинд 1620 айлын захиалгыг авч, барилгыг 10 дугаар сарын 31-нд улсын комисст хүлээлгэн өгөх юм. Харин үлдсэн орон сууцны барилгыг 2016 оны 5 дугаар сард ашиглалтад оруулах төлөвлөгөөтэй ажиллаж байна.