“Билдинг Смарт Монгол” ТББ-аас зохион байгуулж байгаа “Олон улсад BIM нэвтрүүлсэн тэргүүн туршлага” сэдэвт семинарыг 2015 оны 10 дугаар сарын 20, 21-ний өдрүүдэд Улаанбаатар хотноо Их Британийн Элчин сайдын яамны ивээн тэтгэлэгтэйгээр зохион байгуулагдах гэж байна.
Өнөөдөр энэхүү “BIM” /Building Information Modeling/ Барилгын мэдээллийн загварчлалын талаар, “BIM” дэмжигч программ ашиглан цахим загварчлал хийх, загвар төсөл дээр хэрхэн үр дүнтэй ажиллах талаар “Төрийн орон сууцны корпораци”-ийн удирдлагуудад болон барилгын инженер, архитектор, төлөвлөлтийн мэргэжилтнүүдэд “Билдинг Смарт Монгол”ТББ-ын гүйцэтгэх захирал А.Бат-Од, Удирдах зөвлөлийн дарга Ж.Наранцогт нар танилцууллаа.